Топ 5 симптомов, которые нельзя игнорировать
Елемеуге болмайтын 5 басты симптом
Клиника атынан
Қазіргі қарқынды өмір салты бізді денсаулығымызға немқұрайлы қарауға мәжбүр етеді. Көптеген белгілерді шаршау, күйзеліс немесе «өзі өтеді» деп қабылдаймыз. Алайда кейбір белгілер дереу назар аударуды қажет етеді — себебі бұл елеулі дерттің басталуы болуы мүмкін.
1. Тұрақты шаршау мен әлсіздік
Егер ұйқыңыз жеткілікті болса да, өзіңізді шаршап, әлсіз сезінсеңіз — бұл қалыпты жағдай емес. Мұндай күйдің себептері түрлі болуы мүмкін: анемия, дәрумендердің жетіспеушілігі, қалқанша безінің аурулары немесе жасырын инфекциялар. Бұл белгілер ентігу, селқостық немесе жұмысқа қабілеттіліктің төмендеуімен қатар жүрсе — бұл өте маңызды белгі.
2. Кеуде тұсының ауруы
Кеуде сүйегінің артындағы өткір немесе қысатын ауырсыну — қандай жағдай болмасын елемеуге болмайтын симптом. Бұл жүрек, өкпе немесе асқазан-ішек жолдарының мәселелерін білдіруі мүмкін. Ауырсыну тез басылып қалса да, жүректі тексерту қажет.
3. Салмақтың күрт өзгеруі
Түсініксіз себеппен салмақтың күрт азаюы немесе артуы — міндетті түрде тексерістен өтуге себеп. Бұл гормоналдық өзгерістермен, қант диабетімен, зат алмасу бұзылыстарымен, онкологиялық немесе созылмалы қабыну ауруларымен байланысты болуы мүмкін.
4. Асқорыту жүйесінің бұзылуы
Іштің үнемі кебуі, ауырсынуы, жүрек айнуы, тұрақсыз үлкен дәрет — бұның бәрі асқорыту жүйесінің бұзылғанын немесе паразиттік инфекция, гастрит, колит сияқты аурулардың белгісі болуы мүмкін.
5. Жиі бас ауруы
Егер басыңыз жиі, бұрынғыдан қаттырақ ауырып, бұған көрудің нашарлауы, жүрек айнуы немесе аяқ-қолдың ұйып қалуы қосылса — бұл міндетті түрде дәрігерге көрінуді қажет етеді. Бұл мигрень, гипертония, мойын омыртқасының остеохондрозы немесе басқа да неврологиялық аурулар болуы мүмкін.
Не істеу керек?
Егер осы белгілердің бірі немесе бірнешеуі байқалса — дәрігерге баруды кейінге қалдырмаңыз. Біздің клиникада сіз мыналардан өте аласыз:
• Жалпы практика дәрігері, кардиолог, гастроэнтерологтың кеңесі
• Лабораториялық анализдер
• УДЗ, ЭКГ, ЭЭГ және басқа аспаптық зерттеулер
• Комплексті Check-Up бағдарламасы
Денсаулық — кейінге қалдыра салатын нәрсе емес. Уақтылы диагноз — ұзақ әрі белсенді өмірдің кепілі.
