Неге D дәрумені денсаулық үшін соншалықты маңызды?
Неге D дәрумені денсаулық үшін соншалықты маңызды?
Бұл «күн дәрумені» иммундық жүйе, сүйектер, жүрек, ми жұмысы үшін аса маңызды және көңіл-күйге де әсер етеді.
D дәрумені дегеніміз не?
D дәрумені — бұл майда еритін зат, ол теріде күн сәулесінің әсерінен түзіледі. Сонымен қатар, оны тағамнан немесе арнайы қоспалар арқылы алуға болады. Алайда күн шуақты елдердің өзінде де жаз мезгілінде D дәруменінің тапшылығы жиі кездеседі.
Ол ағзаға не үшін қажет?
-Иммундық жүйені күшейту
D дәрумені иммун жасушаларына вирустарды, бактерияларды және зеңдерді анықтап, жоюға көмектеседі. Оның тапшылығы жиі суық тию мен ұзаққа созылатын инфекцияларға әкелуі мүмкін.
-Сүйектер мен бұлшықеттерді қолдау
D дәруменінсіз кальций нашар сіңеді. Бұл остеопороз, сүйек сынуы, арқа ауруы және бұлшықет әлсіздігіне әкелуі мүмкін.
-Психоэмоционалдық денсаулық
D дәруменінің төмен деңгейі күйзеліс, мазасыздық және тез шаршаумен байланысты.
-Созылмалы аурулардың алдын алу
Зерттеулер көрсеткендей, D дәруменінің жетіспеушілігі қант диабеті, жүрек-қан тамырлары аурулары және аутоиммундық бұзылыстар қаупін арттыруы мүмкін.
-D дәрумені жетіспейтінін қалай білуге болады?
D дәрумені тапшылығы ұзақ уақыт бойы айқын белгілерсіз өтуі мүмкін. Егер сізде мынадай белгілер болса, назар аударыңыз:
• Жиі суық тию, қабынулар
• Шаршағыштық, енжарлық, жұмысқа қабілеттіліктің төмендеуі
• Бұлшықет ауыруы, әлсіздік
• Тырысулар, тырнақтың сынғыштығы
• Көңіл-күйдің өзгеруі, ашуланшақтық
• Ұйқының бұзылуы
D дәруменінің деңгейін қалай тексеруге болады?
Ең нақты әдіс — қанға 25(OH)D талдау жасау. Бұл қарапайым әрі қолжетімді анализ, ол тапшылықтың бар-жоғын және дәрежесін көрсетеді.
Тапшылықты қалай толықтыруға болады?
-Дәрігер тағайындаған D дәруменін (тамшы, капсула, спрей түрінде) қабылдау
-Күн астында қалыпты серуендеу (күніне 15–30 минут)
-Рационға майлы балық, жұмыртқа, бауыр, сүт өнімдерін қосу
Маңызды: D дәруменін дәрігердің кеңесінсіз және талдаусыз қабылдауға болмайды — артық мөлшері де зиянды болуы мүмкін.
